مسلسلات الرمضان 111 ساعه عرض في 24 ساعه باليوم لا ومن غير الدعايات

Posted: 12/08/2010 in شخصي

(هههههههههههه)

حسب إحصائية سووها لمسلسلات هالشهر الفضيل يقولون إن عدد ساعات المسلسلات على القنوات العربية يساوي 111 ساعه كمجموع  ليوم واحد كامل ,, يعني اذا كنت تبي تطالع لازم تكون أخطبوط “بالعيون” وعندك 5 شاشات LED :p علشان تتابع يعني نفرض مثلاً على الـ111 ساعه هذي نقول:

23 ساعه طراقات

7 ساعات ماسكين التلفون ويقرقون

18 ساعه يتكشخون كأنه عرض ازياء لكن بطريقة غير مباشرة

8 ساعات التصوير بالسياره يتفشخرون

19 ساعه يتهاوشون ويتناجرون

5 ساعات حش (للممثلات)

9 ساعات شباب يتواعدون على تسليم المخدرات وحشيش وبلاوي

12 ساعه متوزعه بين بجي وأحضان ومشاعر عاطفية جياشه

4 ساعات على الأكل سواء بالمطعم او بالبيت

4 ساعات كلام بين الزوج وزوجته سواء نجره او مسوين نفسهم رومنسيين

ساعتين إغراءات الله يعافينا :$


وبهالشكل هذا مجموع 111 ساعه في يوم واحد وما نقدر نتابعها  انا عن نفسي ما اتابع إلا طاش 17 وباب الحاره لأن وقتهم مناسب جداً كلهم بعد الصلاه وعلى قبل السحور القعقاع بن عمرو التميمي وبرنامج مشاهد2 لنبيل العوضي وبرنامج قديم المساجد للدكتور جاسم المهلهل الياسين قبل الفطور:)

مع ان اغلب المسلسلات ما وراهم إلا الدجه:\

Comments
  1. هورنت says:

    صدقت يا فيصل
    شرهتك على الي يتابع شيء اصلا !! متى مافتحت التلفزيون اشوف الي قدامي ما اعور راسي بمتابعة شيء معين !!
    خلها على الله رمضان صاير ( مولد ) مسلسلات هابطة ودق ورقص
    والحمدلله على كل حال

    • ife9l says:

      صادق يبو ناصر الحين صار رمضان فرصه للمسلسلات
      ما نقول غير الله يفكنا منهم

  2. [ عبدالله ] says:

    شرهتك على الي عدل اشاره الصحن .. الجزيرة 1-10 و العربية , وهذا احتياجي من التلفزيون

  3. ife9l says:

    ههههههههههههههههههههههههههههههههههه
    وداون لود لأي فلم تبي تشوفه😛

  4. صراحه ما اشوف الا طاش وخواطر ومرات الحق على محمد العوضي مع الوالد

    وشكلي بتابع باب الحاره خو تابعت ٤ اجزاء واخر جزء ما اتابعه .. بس ناطر الاكشن يبدي

  5. للأسف ماكو أي مسلسل يدعو الى الفضيلة والأخلاق

    الا مسلسل شوربة وخل p-:

    • ife9l says:

      ياخي انت ملاحظ المسلسلات الإسلامية التاريخيه ؟
      خالد بن الوليد والقعقاع بن عمرو التميمي رضي الله عنهم

      لو تلاحظ القصه والنص وكل شي مثل بعض فقط إختلاف بأسم المسلسل وشخصية البطل

      لا وكل بطل إسلامي مثل خالد بن الوليد والقعقاع يمثل دوره واحد مسيحي:\

  6. استغفر الله مدري ليش المسلسلات برمضان لها متعة
    حتى لو القصة بايخة

    لو بنحط بالنا على كل مسلسل الافضل نقطع روحنا 5 قطع كل جزء يتابع شي وبعد مانلحق

    بحاول السنة ماتابع هالسيرك التلفزيوني
    كله بينعاد بعد رمضان الف مرة

    بس اتابع خواطر 6 و باب الحارة لان اخر جزء وكل البيت يشوفه

    اهم شي صورة المسلسلات الخليجية ع الجرح🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s