” جريدة صوت الجهراء ” جريدة جديده على الساحة السياسية والله يستر عليها دام هذي البدايه

Posted: 17/08/2010 in غير مصنف

جريدة ” صوت الجهراء  ” حصلتها على يدة باب الديوانية وكأنها من جرايد الاعلانات من الصدى والوسيط ,, مسكت الجريدة علبالي غشمرة طلعت من 20 صفحة ورئيسها التنفيذي : عبدالله السليمان ورئيس التحرير : بدرية الناصر طبعاً الصفحة الأولى من الـ”ورق المبلستك ” أي الورق الي كأنه بلاستك واتركم مع الصور🙂

– كإستفتاح ” هجمة مرتده ” على الحكومة  والعنوان العريض ” الحكومة تعد ولا تنفذ .. والشاهد سكراب أمغره “

الله يستر عليكم من الباقي🙂

– طبعاً الجريدة عباره عن جريدة سياسية تتخللها إعلانات بالحجم العائلي على يمينكم اعلان ” مطعم مندي مطعم المملكة ” ويسار المندي اعلان مجموعه خدمات الحج والعمرة والصفحة الثانية اعلان بصفحة كاملة لعيادة الميدان

– نص صفحة لبنك الخليج

– لقاء مع ديوانية ” أحفاد حاتم الطائي ” على هالدلال ,, الظاهر على هالدلال اكيد مخططين المسافط الي عند الديوانيه بفناجيل :p

– مقال ” مغلوث ” الله يعافينا ,, بالله هذا عنوان مقال ؟! الإحترافية متبريه منهم بس مشكلة المساحات الفاضية :p

– والختام نص صفحة لماكدونلز + مقال رخيص من الرئيس التنفيذي للجريدة🙂

طبعاً اعتقد انها فكرة ناقصه للتخطيط الجريدة اصغر اعلان فيها ربع الصفحة والباقي يا نص الصفحه او صفحة كامله لكن هذا من حقهم  يبون ربح ,, بس صوره شعيب المويزري نص الصفحه ليش بعد ؟

اعتقد ان تسميتها بجريدة لا زاااااالت بعيده بعد الثرى عن الثريا على هالمحتوى الي فيها  وحالها الإيقاف بعد شهر او شهرين  + وجود اكثر من مقال او موضوع لكاتب واحد طبعاً الصفحات الرياضيه تتحدث عن نادي الجهراء الي اخر مره شفته سنه 2003 ولقاء مع لاعب من نادي الجهراء ما يلعب مع الفريق علشان يدرس الهندسه

الجريده أنتهت مع السحور🙂 وكانت خوش سفره🙂

Comments
  1. الناس قامت تدور اي شي عشان تظهر على الساحه

    واعتقد ان الإعلان عندهم بخمس دنانير أو يزيدون

    الجريده أنتهت مع السحور🙂 وكانت خوش سفره🙂 << بس خلاص مدام منها فايده ليش تكسر فيهم🙂

    تحياتي لك

    • ife9l says:

      اكسر بالمحتوى ولا كل الجرايد تُستعمل كسفره لكن عجبتني مافيها لا وفيات ولا شكر على العزاء
      لان الباقيات انبش فيهم صفحه صفحه قبل لا احطهم كـ سفره :p فكانت صوت الجهراء أنسب سفره

    • هورنت says:

      انا مع كلام ابو فلان

      وزين ضمنتوا كل يوم سفرة مجانا للبيت

      طيب هذي متي اشتغلت ومتى الناس اعلنت عندهم ! وليش ركز بالجهراء بس ؟ راعيها الظاهر يبي المجلس وقال حملتي الإنتخابية هالجريدة ( السفرة ) على قولتك

      وسلملي على الحرية

      • ife9l says:

        حسب كلامهم هذي اول اصدار وتخص بالدائرة الرابعه ويصدر منها يوميا 50 الف نسخه تنوزع بالدائره الرابع فقط

  2. مشكلجي says:

    جريده رائعه والله يوفقهم كافي لقينا ناس تبي ترفع صوت الجهرا اللي هي اساس الكويت ومحد معترف فيها

  3. مشكلجي says:

    اللي اعرفه هذا العدد الاول يعني قدامهم وقت كافي يسنعون امورهم

    وتفاؤلو بالخير ياجماعه

  4. ife9l says:

    ترى من ذاك اليوم ما شفتها على يده باب الديوانيه🙂
    الظاهر وقفوا الطباعه :p

  5. سلام عليكم ورحمه الله وبركاته يعطيكم العافيه على الموضوع وانا بصراه وصلتني جريده صوت الجهراء وبالعكس جريده جديده وحلوة ومفروض نشجع اهلها علشان يوصولون صوتنا للحوكمه ومشاكل منطقتنا وهي مو بس للجهراء انا بصباح الناصر ووصلتني وانشالله بدايه خير والله يوفقهم

  6. فزاع says:

    يسعد مسا الجميع انا قريت موضوع الاخ الجهبذ مبتسم وانا باعتقادي الحكم على صوت الجهراء تو الناس علية
    ومن وجهة نظري اشوف ان الجهراء بحاجه الى تواجد اعلامي كبير فليش ما ندعم اللى منا وفينا بدل ما نكسر مجاديفهم وانا التقيت باكثر من شخص من المنطقة الرابعة يشيدون بالجريدة وانتشارها وهذا شي ممتاز فجزاهم الله كل خير انشالله يخدمون المنطقة بالشكل الافضل

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s