Nokia شركة عفى عليها الزمن ,, و صارت شركة للحالات الطارئة

Posted: 25/08/2010 in شخصي

من منا لم يستخدم Nokia ؟

شركة حالياً تنهار تدريجياً بعد كل صلاه طالع لنا موديل جديد مره بنظام سيبمان ومره بنظام اندرويد ومره خمطه تلفونات الي فيها تريك

سوني أريكسون و موتورولا حالياً تنافس وبقوة ولا يهون حبيبنا الأيفون و الاندرويد هم حالياً الي متربعين على عرش الهواتف ومعاهم البلاك بيري الي انتشر بشكل رهيب بسبب الخدمة الي تقدمها شركة RIM الكندية المالكه للبلاك بيري  , لكن العالم تغير وتغيرت معاها الشركات كلها ما عدا نوكيا  ,, لازالت نوكيا مستمره بطريقتها الحجرية وهي تنزيل ستين ألف نوع كل سنة وكلها من النوع السفري الي تستخدمه لحاجه معينه وتحذفه حتى تستحي تعطيه أحد .

العالم الأن تطور والأمية الأن تُعتبر أمية تكنلوجيا وانترنت لان أمية القراءه والكتابه أنقرضت والناس يومياً لا تستغني عن الأنترنت وخير شاهد أنقطاع الكيابل البحرية الي تسبب بطئ بالانترنت فكيف انا اكون 24 ساعه شغلي بالانترنت اشوف درجاتي واشوف حساباتي واشوف اموري وأشغالي واتواصل مع الربع برى الكويت ,, وتلفوني بدون ألون وفيه رسايل أخرها  “جزء من النص مفقود ” ؟ نتطور شوي نقول جهازي نوكيا N97 الي أخر ما توصلوا له نوكيا بتوفير تطبيق للفيس بوك ومتجر الـOvi الي دعاياتهم تقول حمل مليونين أغنيه طيب شلون اسمع مليونين يعني ؟ نتطور شوي ؟ نقول جهازهم الجديد N8 هذا الي فتحوا مجال التجربة عليه وهو عباره عن نظام سيبمان الغثيث لا ويراهنون أنه ينافس أجهزه الأيفون والأندرويد

نأخذ على سبيل المثال الشركات الثانية شلون تطورت ونوكيا لا زالت حجرية

سوني أريكسون وفرت جهاز نقال بكاميرا 12 ميغا بكسل والايفون الجديد يصور HD غير اجهزه الاندرويد الي أخرها سامسونج جالكسي أس بتصوير HD ونوكيا حسب اعتقادي اخر ما توصلوا له 8 ميغا بكسل ,, الراديو والأف ام وتشغيل مقاطع mp3 هذي الشركات الكبيرة عدتها بمراحل ضوئيه ونوكيا لا زالت تنافس على هالخدمات ,, عالم الهواتف الأن صار مرتبط بشركات البرمجة ولم يعد الهاتف مجرد ” ألو ,, مع السلامة ” بل بالعكس ” ألو ,, مع السلامة ” قللتها البرامج والي يجرب فاتورت جهازه سنة 2005 وفاتورته الحين بسنه 2010 ويكون مستخدم للتلفونات المتطوره مثل الايفون مثلاً

إختصاراً للوقت ,, انا استعمل نوكيا🙂 لكن عندي جهاز Nokia 1100 الملقب بـ” ابو تريك ” وهذا ما أطلعه إلا برحلات البر لبطاريته القوية وحاجتنا للتريك بالحالا الصعبه خصوصاً اذا الماطور مكربن او فلتر البانزين تعبان ,, لذلك شركة نوكيا من أخر الشركات الي ممكن أفكر فيها  , لكن تظل نوكيا مُساعده لذوي الدخل المحدود والي ما يبحثون عن الرفاهيه وتهمهم سالفه ” ألو ,, مع السلامة “

لكن من العقليات المتحجرة مع عقلية شركة نوكيا ,, يوم أخذت الأيفون شافه واحد من الربع قالي ليش شاري ايفون ؟ قلت والله ياخي أكثر من تلفون واحتاجه ببعض الأمور ,, قال والله ما بعد النوكيا شي ,, قلت ليه طيب النوكيا ما بعدها شي ؟ قالي ياخي يكفي شحن نوكيا موجود بكل مكان:\ ,, لدرجه انه حجري شرى أيفون وخلال يومين باعه بخساره والسبب مافيه بلوتوث:\


رأي شخصي :$

Comments
  1. مقال جميل جدا

    مشكلة نوكيا أيضا أنها كانت في بداية انطلاقها تحافظ هلى جودة الهاتف والصنع

    كنا في السنوات الفائته نبحث عن الفلندي الحين ماكو الا مليزي وهندي وصيني وتايواني وكلهم طيحتين ويتكسرون

    يعطيك العافيه

    • ife9l says:

      الأجمل مرورك :$
      يضل Nokia 1100 فخر صناعات نوكيا لأن التريك فك لي أزمات بالبر

  2. هورنت says:

    احسن شيء ذكرت في الأخير ان الرأي شخصي !!

    لأن السوق فيه بضاعة يتم عرضها وفي ناس تشتري هذي البضاعة ، ومو كل الناس نفسك او نفسي يحب التقنية والتطور ،
    نعم بالنسبة لي ولك اجهزة نوكيا خلاص عافها الخاطر بس بالنسبة للغير ( واااو ) من قلب !! مع انه لو قلت لأي شخص يملك نوكيا ( تكفة اكتب لي هذي الكلمة ( ههههه ) شوف المعاناه الي راح تواجهه لكتابة حرف واحد متكرر وهو حرف الهاء لوووووول خلها على الله يارجل

    اشكرك علي رأيك واوافقك عليه ، بس الله يعينك من مناصرين نوكيا🙂

    • ife9l says:

      خصوصا إذا سمعت يمينك نغمة أم كلثوم او عبدالحليم او موال للبياتي راح تتأكد إن صوت الجعير* الي طالع هذا من اجهزه نوكيا وخصوصا اذا مد أيده بمخباته وطلعه ولا فيه دناديش وميداليه

      جعير : الصوت المزعج:\

  3. يزن says:

    في البدايه اخوي انا احترم وجهه نظرك لأنك عندك أسباب مقنعه صراحه , لكن انا بعد عندي اسبابي اللي مخليتني اني ابقى على جوالي الـNokia n95 8GB
    اولا : خرائط أوفي المقدمه من نوكيا نفسها هي الخرائط الوحيده اللي فيها خريطه للمنطقه اللي انا ساكن فيها بالسعوديه حتى شارع حارتنا:mrgreen: طبعًا مع ملاحه صوتيه بالعربي والأماكن والمحلات وميزه عرض البنايات والمعالم بالـ3D
    ثانيًا : كاميرا الـ5 ميقا بكسل اللي بالنسبه لي هي افضل من كاميرة الأيفون من ناحيه الألوان والوضوح ,
    ثالثًا : الجهاز مكفي وموفي معي , تطبيق سكايب و whatsApp للمحادثات مع أصدقائي ,
    برنامج Gravity للجوجل ريدر والتويتر والفيس بوك والفور سكوير , واجهه مستخدم خفيفه وأنيقه ,
    وباطاريته الحمدلله تكمل معي 24 ساعه وزياده بعد , على استخدامي انا : 3 ساعات مكالمات بالكثير , 9 ساعات شغال ام بي ثري وكاميرا , وتقريبًا 10 ساعات مشغله على الواي فاي يجيب لي آخر تحديثات تويتر والفيس بوك والجوجل ريدر ,
    رابعًا : الرسائل النصيه بحياتي ماوجهت فيها مشكله جزء من النص مفقود , بالعكس , رسائل طويله جدًا ابدًا أقرأها عادي جدًا ,
    مع العلم , في أحد الجوائز لأفضل الكاميرات بالعالم , نوكيا اخذت جائزه افضل كاميرا مدمجه بجوال , لسنه 2008 او 2009 للجهاز اللي فيه كاميرا 8 ميقا بكسل اللي انت ذكرته:mrgreen:  

    • ife9l says:

      حياك الله
      كل الي ذكرتها موجوده بالهواتف المتطوره وبشكل أفضل😀
      من ناحية الخرائط الايفون يوفر لك كم هائل من برامج النفغيتر وبـ3d مثل ما تبي

      من ناحية الكاميرا لا اخالفك فيها الايفون 4 مظلوم مقارنه بكاميرا نوكيا لكن اذا تتحدث عن ايفون 3gs ممكن لكن الغلبه للايفون
      من ناحية الأبلكيشنات البرامج الاساسية مثل فيس بوك وسكايب هذي وفرتها نوكيا لكن ترى اصدار واتسب الي عندك Beta😦

      برامج القوقل ريدر والتويتر والفيس بوك متوفره بالايفون بشكل رهيب ويغطي احتياجات احتياجاتك

      لكن انت استخدامك محدود انت مو من الناس الي تهتم بكبر الشاشة علشان تحجز رحلات سفر او تهتم بالكاميرا لانهم مصورين محترفين او انهم يهتمون بسعه الذاكره لانهم راعين طويله ,, انت ما تبحث عن الرفاهيه انت تمشي بنظام ” مش حالك ,, حالك يمشي “

  4. يزن says:

    بالنسبه للكاميرا هي الشيء الوحيد اللي خلاني اشيل فكره الأيفون وأي جهاز ثاني من راسي لحد ماتطلع جوال يحتوي على كاميرا تنافس كاميرا الإن 95

    هذا الفلكر حقي وتقدر تشوف نماذج من تصوير الجهاز انا مصورها بنفسي ,

    http://www.flickr.com/photos/41959377@N07/

    طبعًا أغلبها عدلت عليها بالفوتوشوب لكن اللاند والصوره اللي اسمها ” لحظه صفاء وهدوء ” كانت التعديلات فيها بسيطه , ازاله أرقام اللوحه – تعتيم الحواف

  5. كلام جميل ومنطقي

    ولولا اختلاف الاذواق لبارت السلع

    بارت = تلفت او اختربت

    وعلى طاري بو تريك ترا حتى انا عندي واحد للمهمات الصعبه وطلعات السفاري، وامي تاخذه حق العروس🙂
    بس الي عندي متطور اكثر من الي عندك ١٢٠٢ الي سماعته من الصوبين << ماكان يدري يوم شراه وارتفع ضغطي يوم دريت << يعني شوف الفكره الغبيه ما ادري شنو الحكمه دابلين السماعه من الصوبين !!!

    كلمة اخيره : نوكيا كانَ وانتهى زمانه

  6. Tazmania says:

    لووول خوش بوست يعطيك العافيه عاد من زمان ما اواطن نوكيا من ايام الكتكات بس الناس مادري شفيهم كانو هابين فيها🙂 ولا بالله شركة كل اسبوع نازل تلفون !!!

  7. [ عبدالله ] says:

    اكتفي بتعليقك فيصل ..

    قوم سادوا .. ثم بادوا

    تخيل انني كنت اشوف مشكلة باعدادات N97 قبل كم يوم .. و بيني وبين نفسي اضحك اقول شلون كنت اعتبر هالجهاز حتى ” لمس ” ؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s