ولعي يا إشاره خضرا ,, ودقي يا هرنات

Posted: 01/09/2010 in شخصي

ظاهره غريبة وغثيثه بنفس الوقت بدأت تنتشر والي هي ” تكون واقف بالإشاره وتولع خضرا وتبي تحرك ولا وراك جيب يوكن دييييييييد دييييييييد ” !! طيب تونا بسم الله حركنا ,, نطير ؟

بالنسبة لي هالحركة اكثر شي ينرفزني بالطريق ومن بعدها حركة ليتات الزينون ام ليزريون شمعه الي تسوي لراسك أشعه مقطعيه وهو وراك مشغلهم , لكن ظاهره الهرن عند الإشاره وحسب كلام الناس بدأت تنتشر بعد ما كثروا ” الوافدين العرب ” فأعتقد اننا بحاجه إعاده نظر بالعقليات الي تدخل وتملك سيارات ولو انها صعبه

ومن المعروف ان اللون الأخضر في الإشارات المرورية يرمز للتحرك لكن لا اعلم هل ” أهل الهرنات ” يبونا نطير ليفسح لهم المجال ؟ او ننصهر ويمرون من فوقنا ؟ فالكل يبي يتحرك ان شاء الله ليش الهرن

أذا كانت الناس مستعجلة في شي اسمه ” اطلع قبل الموعد بوقت محدد ” واذا كانت الناس بحالات حرجه تتطلب السرعه فيكون الأمر واضح اما يدق هرن ومن بعدها يتمخطر ولا فيه إلا العافيه هذي المشكلة

نفرض ولعت الإشاره خضرا وانت دقيت هرن , هل تتوقع ان الي دقيت له هرن ما يبي يمشي مثلا ً حاله من حالك ينطرها علشان تمشي ويمشي ويمشون كل الي بالإشاره وعلى طاري سرعه الإنطلاق او الحركة  ترى جميع صواريخ وكالة الفضاء الأمريكيه ” ناسا ” تحتاج 10 ثواني للإنطلاق من بدايه التشغيل يعني لو نفرض ان الي واقف بالإشاره مطفي السياره , تشغيلها ووضع ناقل الحرك بالـD وتنزيل السايد ما تحتاج 5 ثواني وهل هالـ5 ثواني راح تسبب كارثه مثلا ً؟

هذي قصص يسردها احد الصحفيين في مقالته بموقع الساحة العربية :

قبل سنه تقريبا ..ذكر لي احد الاجانب ان صديقا له في امريكا كان واقفا عند احد الاشارات ينتظر الضوء الاخضر
وفي لحظه اشتعال الضوء الاخضر
سمع هرن من الخلف بشكل ملفت المهم الرجل واصل طريقه الى الاشاره التي تليها
ومن ثم اعاد صاحب السياره ضرب الهرن مرة اخرى
فواصل الرجل وهو يحاول تقليب الذاكره لهذا النوع من السيارات هل مر عليه يوما او كان مع احد اصدقائه
المهم عند الاشاره الثالثه وعند اعادة الرجل لضرب الهرن وقف الرجل الامريكي ونزل من السياره متوجها الى اخونا السـ….
متسائلا بقوله DO YOU KNOW ME ؟ اي هل تعرفني؟؟
فما كان من صاحبنا الا التزام الصمت لأنه عرف ما بدر منه واكتفى بتحريك رأسه بالاجابه بــ لا
وهنا غادر الامريكي وهو واثق ان الرساله قد وصلت ومتعجبا من هذا الفعل الغريب
وانا من هنا على يقين ان صاحبنا قد فهم الدرس جيدا


قصة اخرى..
يقول لي احد الاصدقاء (وانا هنا اسرد مثل هذه القصص لطبيعة عملي واختلاطي بالاجانب)
ان احد اصدقاءه الغربيين يقول له
لم اجد احدا ممن اعرفهم من الجنسيات التي عايشتها كالسـ….  فهو دائما مستعجل
وفي آخر المطاف تجده في مشوار عادي اما ذاهبا الى البيت او السوق او المطعم  فلا داعي للعجله طالما ان الموضوع يحتمل التأخير او التأجيل

عبدالعزيز بن شري

ياليت في قانون على الاقل يمنع هالشغله ولو ان في بعض المناطق ممنوع فيها الهرن لكن ألية المراقبه غير موجوده وللأسف هذي العاده ترسخت بعقليات الناس مثل ما ترسخت ظواهر كثيره  ,,  في احد الدول الي زرتها وإشاراتها فيها عد تنازلي الناس تدق هرنات اذا وصل العد إلى ثانية أو ثانيتين !!

قبل أن تخالفني الرأي مر على كم تقاطع ويا حبذا لو بحولي🙂

الله يخلصنا من هالظاهره وعسى محد يدق لي هرن  بالإشاره🙂

رأي شخصي🙂

Comments
  1. هورنت says:

    صدقت بكل كلمة قلتها
    ونعم الظاهرة بدأت بالإنتشار مثل ماتفضلت بعد توافد ( المهاجرين ) بنظري وليس القادمين للعمل في الكويت !!
    ياكثر ماتواجهني هذي الحركة وقمت اكره اصلا الخروج من البيت بسبب الزحمة
    مافي وافد بالديرة إلا وعنده سيارة ! شلون مايصير ازدحام وظواهر جديدة للقيادة مصحوبة من بلدان هذي الدول الينا ؟
    العتب على من جلب هذي الكميات الكبيرة من الوافدين عندنا ولا احنا كنا بخير وسلام قبل لا يزيدون
    اوافقك بالرأي في موضوعك بالكامل
    تحياتي

    • ife9l says:

      من المفروض على وزاره الداخليه انها تشدد على منح الرخص خصوصا للوافدين العرب وإعفاء الاسيويين من هالقرار لكن اعتقد صعب تطبيقه وراح يضر ناس كثير

      لكن نحتاج لفلتره عقول

  2. [ عبدالله ] says:

    شوف , بتكلم عن نفسي ..

    انا بني آدم فااااااااااااااضي و قاعد اعيش اخر ايامي بالديره بإذن الواحد الاحد

    و يعني شي استعجل عليه ما عندي .. فـ شنو اسوي ؟ الي يدقلي هرن لما تفتح الاشاره .. ابذل كل ما عندي من حيله انني اسكر عليه و امشي شواااااااااااااااااااااااااااي شوي على اقل من مهلي

    بارك الله فيك على المقال فيصل , و فعلا صدقت بجميع نقاطك .

    • ife9l says:

      مدام هو يبدأ بالنرفزه فزين تسوي فيه

      انت معاي ذاك اليوم بالإشاره يوم نحشر راعي البرادو الي دق لنا هرن😛

  3. اي والله فعلا حركة تنرفز

    بس البعض يستحقها

    طبعا اكثر شي ألاحظ هالحركة بالرياض مايمدي الإشارة تشب أخضر الا طووووط طووووط الكل يدق هرن

    بس ىخر مره رحت فيها الرياض لقيتهم حاطينلهم عداد عند كل إشارة جم باقيلها تفتح وجم باقيلها تصير حمره اذا كانت خضرة

    • ife9l says:

      العد التنازلي ممتاز بس له سلبيات لكن مو هذا موضوعنا
      موضوعنا الهرن والاشاره توها فاتحه ,, انا الحين مخطط اركب كشاف من ورى علشان اطشر عيونه الي يدق هرن

  4. Yousef says:

    في شغله اهم نسيت تذكرها
    واهي لمن تكون ماشي على اليسار بسرعه 140 اييك واحد ويركب فوق سيارتك بس عشان تفتح لحضرته الطريج …..!!!!!

    —————
    أذا كانت الناس مستعجلة في شي اسمه ” اطلع قبل الموعد بوقت محدد ”
    —————
    في هالجمله تنحل كل المشاكل ..بس منو يفهم ؟ وخصوصا طلبه الجامعات والكليات الصبح ..يدعمك ويعفس سيارتك ولمن تسأله ليش , يقول باقي 5 دقايق على المحاضره ..!!! يا اخي اطلع امبجر وفك الناس من شرك …

    مشكل

    • ife9l says:

      سالفه الحاره اليسار هذي مشكله نسأل الله يهدي مرتاديها🙂
      انا ولله الحمد اثبت السرعه على 100 او 110 مالي خلق كاميرات ومالي خلق ملاقيف من صباح الله خير

      ومحاظرتي 8 اطلع 6.30 لزوم الزحمه والحوادث الله يكافينا شرها واحسب حساب اني اخذ لي مسفط محترم ومظلل🙂

  5. ROro Mania says:

    انا ادق هرن اذا اللي جدامي دايخ و ناسي
    ان الاشاره شبت خضرا و اللي يمنا مشو و خلصوا و بيوصلون مشاويرهم :p

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s