تجربتي السيئه مع بيتزا برغر من برغر كنغ

Posted: 24/09/2010 in شخصي


بعد تداول موضوعها بعده مدونات وتجربتهم لها وبعد سوالف الشباب وأقتراحاتهم بتويتر شنو يتعشون الليله ,, حسيت بالجوع من سوالفهم و قررت أني اجرب بيتزا برغر من برغر كنغ


للأسف تركتها ولا كملتها للأسباب التاليه :

– بهاراتها حمضية تلذع

– العجينه السميكه طبعا من الكتشب والمايونيز والصوص تتشبع وتصير “مريس”

– التقطيع أي كلام + من حرارتها لصقت بعلبتها


طبعاً الشكل على العلبه يغري لكن التجربة مُره  ,, اذا كنت تعاني من حموضه المعده أتمنى أنك لا تجربها

حسب العاده المنتشره عند الشباب وهي التقيم لأي شي اعطيها 2/10 لعيون الخس بس🙂

رأي شخصي🙂

Comments
  1. Diesel says:

    والله توني ماكلها ، كانت جيدة وماهي شينة ، تقييمي 7/10 أو 6.5/10
    وماحسيتها ثقيلة والله🙂

    • ife9l says:

      انا من شفت رتابت طلبك عرفت ان المشكله من فرع برغر الي عندنا
      انا قصيتها بيدي تقطيعهم أي كلام ,, بس ليش حاطين لك إطار عليها وانا جطل بدون إطار من المطبات لقيتها متنثره رجعت ركبتها

      • Diesel says:

        الظاهر الاطار عشان ما تحوس داخل الكرتون ، والتقطيع كان ممتاز ما احتجت اني اقطعها مرة ثانية🙂 بالنسبة للأفرع فكلامك صح ، مثلا البطريق في صباح السالم ما يضبط المسحب أو ما تعجبني المسحب الي يسويها عكس فرع حولي ، وكذلك فيش فيليه من كنتاكي مو اي فرع يضبطها .. الخ🙂

  2. ife9l says:

    أكيد العماله الي بأي مطعم تفرق يعني عندك كنتاكي ,, أكله يجيب المرض وبارد والدجاج مطاطي ويابس تعد سنونك بعد الوجبه ,, المشكله بالأول والأخير بالعماله

  3. شكل الصوره يغري ..بس اكيد مدام انت جربتها يا بوغازي وهذي وجهة نظرك فيها..ما راح اجربها مهما كان اذا نزلت الكويت..

    صراحه الوجبات السريعه بشكل عام تضر..بس احيانا الواحد يضطر يجربها اذا طلع ويا الاصدقاء او مر بمكان ماكو فيه الا وجبات سريعه..

    وتحياتي لك

    اخوك بو حمود
    @kuwaitkw

    • ife9l says:

      حياك الله بوحمود ,, صحيح الوجبات السريعه وقت الوزى تاكلها

      ولا في خيارات أرخص وأفضل وأصح منها

  4. بالعافيه

    برغر كنج من خلقني ربي وانا كارهه وكاره البرغر مالتهم

    شكلها مايشجع واذا تذكر كتبت عنها موضوع قبل التنزل وقلت انها ماتشجع الواحد ياكلها

    لكن البعض خالفني منهم الهاشمي🙂

    قضية اختلاف الأفرع فعلا مرات تطلب من فرع الوجبة تكون لذيذة وتطلب من فرع ثاني تكون مش حالك

    • ife9l says:

      الله يعافيك

      لالا أبد شكلها ما يشجع إطلاقاً ,, الهاشمي اقنعته ما يجربها

  5. نعم انا ضد المطعم ولكن شكل البيتزا برغر كان رائع وكذلك الفكرة ، اما هالمطعم بشكل عام ما اكل منه

    واقنعني اخوي فيصل اني ما اجرب ..

    • ife9l says:

      برغر كنغ قبل حوالي 4 سنوات كان ممتاز ,, لكن الأن بإنحدار وراح يصف على هارديز وكنتاكي

      وماكدونلز حاط رجل على رجل ومتربع على عرش أفضل مطعم🙂

  6. ROro Mania says:

    احلى برجر لحم مالت برجر كنج
    و الدياي و السمج و البطاط حق ماك :p

  7. علي says:

    والله جربتها وكانت جيده ..

    واكثر شي غثني سالفة التقطيع ! استعنت بسكين لحل المشكله🙂

  8. ورقـ ملونـ says:

    فرق بين الصورتين ..

    أنا حامت كبدي بس من الصورة الأخيرة ..

    أجل أنت شلون … الله يعين بس

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s